Правядзенне абавязковай юрыдычнай экспертызы Цэнтрам з’яўляецца адным з асноўных напрамкаў дзейнасці Цэнтра.

У адпаведнасці з Палажэннем аб Нацыянальным цэнтры заканадаўства і прававых даследаванняў Рэспублікі Беларусь, зацверджаным Указам Прэзідэнта Рэспублікі Беларусь ад 13 снежня 2007 г. № 630 ”Аб некаторых мерах па ўдасканаленню праватворчай дзейнасці і навуковых даследаванняў у галіне права“, Цэнтрам праводзіцца абавязковая юрыдычная экспертыза законапраектаў, якія ўносяцца ў Палату прадстаўнікоў Нацыянальнага сходу Рэспублікі Беларусь, змяненняў і (або) дапаўненняў, унесеных у законапраекты ў Палаце прадстаўнікоў Нацыянальнага сходу Рэспублікі Беларусь.

Правядзенне абавязковай юрыдычнай экспертызы Цэнтрам рэгулюецца:

• Законам Рэспублікі Беларусь ад 10 студзеня 2000 года ”Аб нарматыўных прававых актах Рэспублікі Беларусь“;
• Палажэннем аб парадку ўзаемадзеяння Савета Міністраў Рэспублікі Беларусь і Нацыянальнага цэнтра заканадаўства і прававых даследаванняў Рэспублікі Беларусь па падрыхтоўцы праектаў прававых актаў, зацверджаным Указам Прэзідэнта Рэспублікі Беларусь ад 13 ліпеня 1999 г. № 389;
• Указам Прэзідэнта Рэспублікі Беларусь ад 11 жніўня 2003 г. № 359 ”Аб мерах па ўдасканаленню нарматворчай дзейнасці“.

Методыка правядзення абавязковай юрыдычнай экспертызы спецыялістамі Цэнтра вызначана Метадычнымі правіламі падрыхтоўкі заключэнняў па выніках абавязковай юрыдычнай экспертызы законапраектаў, зацверджанымі загадам дырэктара Цэнтра ад 10 жніўня 2006 г. № 33.