Важнай састаўляючай прававой культуры грамадства з’яўляецца стварэнне сучасных пляцовак і ўмоў для інтэрактыўнага ўдзелу грамадзян у нарматворчым працэсе.
Менавіта такой пляцоўкай з’яўляецца сайт «Прававы форум Беларусі» forumpravo.by – дзяржаўны інфармацыйны рэсурс, створаны ў 2013 годзе.
Згодна з артыкулам 7 Закона Рэспублікі Беларусь ад 17 ліпеня 2018 г. № 130-З «О нормативных правовых актах». Прававы форум Беларусі з’яўляецца афіцыйнай пляцоўкай для публічнага абмеркавання праектаў нарматыўных прававых актаў (НПА).
Парадак правядзення такога абмеркавання вызначаны пастановай Савета Міністраў Рэспублікі Беларусь ад 3 жніўня 2026 г. № 393. Патрабаванні да прадастаўлення дакументаў рэгламентаваны загадам Нацыянальнага цэнтра заканадаўства і прававой інфармацыі.
Наведвальнікі сайта могуць выказаць сваё меркаванне па праектах НПА у раздзеле «Абмеркаванне праектаў НПА».
Згодна з пастановай Савета Міністраў Рэспублікі Беларусь ад 3 жніўня 2026 г. № 393 Прававы форум Беларусі таксама з’яўляецца платформай для публічнага абмеркавання НПА у рамках правядзення прававога маніторынгу. Свае заўвагі і прапановы можна размясціць у раздзеле «Прававы маніторынг».
Прапановы па ўдасканаленні прававога рэгулявання грамадскіх адносін можна размясціць у спецыяльных тэмах у раздзеле «Важна ваша меркаванне».
Пры гэтым грамадзяне і прадстаўнікі юрыдычных асоб з улікам жыццёвых сітуацый, якія сведчаць аб неабходнасці ўдасканалення заканадаўства, могуць выказаць меркаванне па пытаннях, звязаных з ліквідацыяй прабелаў у прававым рэгуляванні, у спецыяльнай тэме «Паляпшаем заканадаўства разам».
Скарыстацца рэсурсамі Форума можа любы жадаючы. Для ўдзелу ў абмеркаваннях на сайце трэба прайсці рэгістрацыю.
Падзяліцца ў сац. сетках